Shenjti i ditës: 20 shkurt – Shenjtërit Xhaçinta dhe Françesko Marto (1920, 1919)

Shenjti i ditës: 20 shkurt – Shenjtërit Xhaçinta dhe Françesko Marto (1920, 1919)

Ndërmjet 13 majit dhe 13 tetorit 1917, tre fëmijë barinj portugez, nga Aljustreli, morën shfaqjet e Zojës në Cova da Iria, afër Fatimës, një qytet 110 milje në veri të Lisbonës. Në atë kohë, Evropa ishte përfshirë në një luftë jashtëzakonisht të përgjakshme. Portugalia vetë ishte në trazira politike, pasi kishte përmbysur monarkinë e saj në 1910; qeveria i shpërndau organizatat fetare menjëherë më pas.

Në shfaqjen e parë, Maria u kërkoi fëmijëve të ktheheshin në atë vend në ditën e trembëdhjetë të çdo muaji, për gjashtë muajt e ardhshëm. Ajo gjithashtu u kërkoi atyre të mësonin, të lexonin dhe të shkruanin dhe ta lusnin rruzaren e shenjtë “për të siguruar paqen për botën dhe fundin e luftës”. Ata duhej të luteshin për mëkatarët dhe për kthimin e Rusisë, e cila kohët e fundit kishte përmbysur Carin II dhe së shpejti do të binte nën komunizëm. Deri në 90,000 njerëz u mblodhën për shfaqjen përfundimtare të Zojës së bekuar, më 13 tetor 1917.

Më pak se dy vjet më vonë, Francisco vdiq nga gripi në shtëpinë e tij familjare. Ai u varros në varrezat e famullisë dhe më pas u rivarros në bazilikën Fátima në 1952. Jacinta vdiq nga gripi në Lisbonë në vitin 1920, duke i ofruar vuajtjet e saj për kthimin e mëkatarëve, paqen në botë dhe për Atin e Shenjtë. Ajo u rivarros në bazilikën Fátima në vitin 1951. Kushërira e tyre Lúcia dos Santos, u bë murgeshë karmelite dhe jetonte ende kur Jacinta dhe Francisco u shpallën të lumë në vitin 2000, nga Shën Gjon Pali II, papë; ajo vdiq pesë vjet më vonë. Papa Françesku i shenjtëroi fëmijët më të vegjël në vizitën e tij në Fatima për të përkujtuar 100-vjetorin e shfaqjes së parë – 13 maj 2017.

Shenjtërorja e Zojës së Fatimas vizitohet nga deri në 20 milionë njerëz në vit.