Shenjti i ditës: 11 Maj – Shën Injac Làkoni, vëlla shekullar françeskan (1701 – 1781)

: 11 Maj – Shën Injac Làkoni, vëlla shekullar françeskan (1701 – 1781)

Vinçenc Làkoni u lind në Sardenjë nga një familje e varfër dhe e mirë, dhe ishte i dyti nga nëntë vëllezërit. Ai u prit me vështirësi në kuvendin françeskan të Kaljarit për shkak se gëzonte shëndet të keq. Pasi i mori kushtet rregulltare, ai i kreu me qetësi e gëzim françeskan shërbimet më të përvuajtura në bashkësi e jashtë. Ai mblidhte lëmoshë për bashkësinë.

Nuk mësoi kurrë shkrim e lexim, por dinte të dëgjonte e të meditonte mbi Mundimin e Jezusit. Mbi të gjitha dinte t’u fliste njerëzve që shkonin tek ai për ndonjë këshillë apo fjalë ngushëlluese. I pajisur me shpirtin e profecisë, ai arrinte shërime e kthime të mrekullueshme përmes lutjeve të tij. U lumturua në vitin 1940 nga papa Piu XII. Edhe kanonizimi u bë po nga i njëjti papë në vitin 1951.