“Hyji e çliroftë botën nga dhuna çnjerëzore e terrorizmit”

“Hyji e çliroftë botën nga dhuna çnjerëzore e terrorizmit”

Në lutjen e Engjëllit të Zotit, Papa u lut për “të vdekurit, të plagosurit dhe anëtarët e familjeve të akteve terroriste të cilat në ditët e fundit kanë shkaktuar shumë viktima në Burkina Faso, Spanjë dhe Finlandë”

Papa, i trishtuar nga sulmet e ditëve të fundit, iu lut Hyjit gjatë lutjes së Engjëllit të Zotit për ta çliruar botën nga “dhuna çnjerëzore” e terrorizmit. “Në zemrat tona kemi dhimbjen e akteve terroriste që në ditët e fundit kanë shkaktuar shumë viktima në Burkina Faso, Spanjë dhe Finlandë,” thotë ai në fund të lutjes mariane. Dhe ai u kërkon 10.000 pelegrinëve dhe besmtarëve në sheshin e Shën Pjetrit që të luten, para secili në heshtje dhe pastaj së bashku me Zojën “për të gjithë të vdekurit, për të plagosurit dhe për të afërmit e tyre”. “Ne e lusim Zotin, Hyjin e mëshirës dhe të paqes, ta lirojë botën nga kjo dhunë çnjerëzore”, thotë Papa Francesko.

Në katekezën e tij, ai këshillon që të “ushqejmë besimin dhe të forcojmë besimin tek Jezusi” sepse “të gjithë duhet të rritemi në besim” dhe “nuk kemi hapësirë që të mbrohemi: dashuria e Hyjit është e pakufishme”. Papa thekson se Ungjilli  paraqet «një shembull të veçantë besimi në takimin e Jezusit me një grua kananease, një të huaj për hebrenjtë». Skena ndodh ndërsa Jezusi është  rrugës për në qytetet e Tiros dhe Sidonit, në veriperëndim të Galilesë. Është këtu, shton ai, që gruaja i kërkon Jezusit të shërojë vajzën e saj, e cila “është shumë e munduar nga një demon”. Në fillim, Zoti “nuk duket se e dëgjon këtë thirrje dhimbjeje, në mënyrë që të zgjojë ndërhyrjen e dishepujve që ndërmjetësojnë për të: shkëputja e dukshme e Jezusit nuk e dekurajon atë”.

Sipas Papa Françeskut, forca e brendshme e kësaj gruaje, e cila lejon të tejkalojë çdo pengesë, duhet të kërkohet në dashurinë e saj amtare dhe në besimin se Jezusi mund ta përmbushë kërkesën e saj. “Mund të themi se është dashuria që lëviz besimin dhe besimi, nga ana e tij, bëhet çmimi i dashurisë”, shpjegon Papa. Dashuria për vajzën e saj e bën atë të bërtasë: “Mëshirë për mua, Zot, bir i Davidit!” Dhe besimi këmbëngulës ndaj Jezusit i lejon asaj të mos dekurajohet madje as përballë refuzimit të tij fillestar; Kështu gruaja u shtri para tij duke thënë: ” O Zot, ndihmomë! ”. Në fund, përpara një këmbënguljeje të tillë, Jezusi mbetet pothuajse  i habitur, nga besimi i një gruaje pagane”.

Papa Françesku vazhdon, Jezusi pajtohet, duke thënë, “Grua, e madhe është feja jote! Të bëhët ashtu siç do ti” Dhe që nga ai moment vajza e saj u shërua. “Kjo grua e përulur është treguar nga Jezui si shembull i besimit të patundur,” thotë Papa. Dhe shton. “Gratë janë në gjendje të marrin gjëra të mëdha, ne i njohim kaq shumë.” Insistimi i kësaj të reje në thirrjen e ndërhyrjes së Krishtit “është për ne një nxitje që të mos na dekurajojë, të mos humbim shpresën kur ne jemi të shtypur nga provat e vështira të jetës. Zoti nuk kthehet në anën tjetër përballë nevojave tona dhe nëse ai ndonjëherë duket i pandjeshëm ndaj kërkesave për ndihmë, është që të provojë dhe forcojë besimin tonë “.

“Kjo pjesë e Ungjillit- vijoi Papa – na ndihmon të kuptojmë se ne të gjithë duhet të rritemi në besim dhe kemi nevojë të forcojmë  besimin tonë në Jezusin. Në fakt, Ai mund të na ndihmojë të gjejnë rrugën tonë, kur kemi humbur busullën e udhëtimit tonë, kur rruga nuk duket e sheshtë, por e vështirë, kur është e vështirë të jesh besnik ndaj angazhimeve tona “.

Pra, inkurajon, “është e  rëndësishme që të ushqejmë çdo ditë besimin tonë, duke dëgjuar me kujdes Fjalën e Hyjit, me kremtimin e Sakramenteve, me lutjen personale si një “britmë” drejt Atij, dhe me qëndrime konkrete bamirësie ndaj të afërmit.” “Le ti besohemi Shpritit  Shenjtë në mënyrë që ai të mund të na ndihmojë që të forcohemi në besim: Shpirti i Shenjtë rrënjos guxim në zemrat e besimtarëve; Ai i jep jetës tonë dhe dëshmisë tonë të krishterë fuqinë e bindjes; na inkurajon për të kapërcyer mosbesimin ndaj Zotit dhe indiferencës ndaj vëllezërve “, thotë Papa.

Në përfundim lut Virgjerën Mari  që të “na bëjnë gjithnjë e më të vetëdijshëm për nevojën tonë për Hyjin dhe Shpirtin e Tij; që të kemi  një besim të fortë, plot me dashuri.”