MEDITIMI I DITËS – TOMA QË “NUK BESON”

Mëshira Hyjnore

Gjn 20, 19-31 TOMA QË “NUK BESON”

Kërkoj hirin: që të besoj në Jezusin kur nuk e shoh

Kemi dëshirë, o Zot, që edhe sot të vish në mesin tonë, në bashkësitë tona, në familjet tona, në popullin tonë, në vendin tonë, në mesin e popujve që në zemrat e veta do ta dëgjojnë përshëndetjen tënde: “Paqja me ju!”

Jepi paqe vendit tonë, edhe pse ne nuk e dimë si do të ndodh kjo, o Jezus. Nuk shohim zgjidhje. Thënë në mënyrë njerëzore, është aq e vështirë që ta parashikojmë paqen. Mirëpo ne besojmë se edhe kjo gjë është e mundur për ty! Fjalët e paqes dhe të besimit le të jehojnë përsëri në zemrat e njerëzve! Kjo është e mundur, kjo gjë duhet të bëhet e mundur, o Zot, Jezus! Ti na the se Ati do të na japë gjithçka që një zemre do të kërkojmë në emrin tënd. Në emrin tënd po kërkojmë:

Jepna paqen tënde!

Lere në zemrat tona paqen tënde!

Mbushe secilin njeri me paqen tënde!

Qetësoi zemrat që në vendin tonë nuk kanë qetësi që ky vend të jetë atdheu i paqes, i të mirës për të gjithë banoret e vet!

Jepu paqe zemrave tona të frikësuara. Dhuroju paqe të gjithë njerëzve që janë në trishtim dhe në frikë. Jepu paqen të gjithë atyre që ndjen se zemrat i kanë të mbushura me hidhërim dhe me urrejtje. Mos lejo që asgjë që është e keqe dhe djallëzore të gjej vend në brendinë tonë.

Erdhe dhe nxënësve të tu ua dorëzove pushtetin e faljes. Na dhuro edhe neve sot Shpirtin Shenjt. Kemi nevojë për të më shumë se sa për sigurinë ekonomike, më shumë së për të gjitha të mirat e kësaj toke, më shumë se për të gjitha interesat materiale na nevojitet Shpirti yt. Na dhuro Shpirtin tënd! Bëj që të mendojmë dhe të veprojmë si njerëz që i shndrit Shpirti i dashurisë sate! Në ne le të jetë Shpirti i dashurisë, Shpirti i faljes, Shpirti i paqes! Ai në ne le të bëj ato gjëra që sipas natyrës sonë nuk mund t’i bëjmë. Na dhuro Shpirtin tënd, o Zot, Jezus! Në ne, le të jetë Shpirti i ngjalljes sate, Shpirti me të cilin u ngjalle nga të vdekurit pas vuajtjes së padrejtë, pas kryqit dhe vdekjes, Shpirti që mund të tregojë sot se secila dhimbje dhe vuajtje është bekim nëse në zemrat e njerëzve nuk ka urrejtje as dëshirë për hakmarrje.

Na jep Shpirtin tënd, o Jezus. Hukate në ne, ashtu si e hukate në zemrat e nxënësve të tu. Pasi morën Shpirtin tënd ata u bën njerëz të ri. Në ta hyri fshehtësia e ngjalljes sate, u bën pjesëtarë të krijimit të ri. Shpirti që rrinte mbi ujëra tek krijimi i parë, Shpirti që ia dhurove njeriut të parë që të behet qenie e gjallë, tek ngjallja jote, o Zot, bëhet pengu i krijimit të ri, i tokës së re dhe i qiellit të ri. Ti, o Zot, po bën diçka qenësisht të re.

Pikërisht këtë risi po ta kërkojmë sot! Sepse vetëm në ketë dritë është e mundur, o Zot, të besojmë në paqe në zemrat tona, në paqe në shtëpitë tona, në paqe në vendin dhe në popullin tonë! Vetëm kur Shpirti Shenjt i yti të bëj gjithçka të re! Na ripërtëri plotësisht! Përftoje në ne krijimin e ri! Bëj që në thellësitë e qenies sonë të ndjejmë nevojën për këtë ndërhyrje të thellë të Shpirti Shenjt që të lejojmë që të na përftosh sipas vullnetit tënd të shenjtë! Ashtu le të bëhet! Amen!